BBC SOMALI
VOA SOMALI
SOMALI LINKS

BANDARBEYLA : Maamulka Banderbeyla oo sheegey in Maraakiib Jariifiyaal ah badda Xaalufinayaan

December 11, 2012 10:31 am GMT - Written by Editor - Edited by Editor

Banderbeyla:-Guddoomiyaha Degmada Benderbeyla Saciid Aadan Cali (Ateena) ayaa waxa uu sheegey in dhibaato ba’an ay ku hayaan Badda Maraakiib Jariif ah kuwaas oo guranaya kheyraadka islamarkaasna dhibaato ku haya Kalluumeysatada iyaka oo jaraya Shabaagaha iyo waxyaalaha ay Kalluumeysiga u isticmaalaan.

Saciid, waxa uu sheegey in  marba marka ka dambeysa ay ka soo badanayaan Maraakibtan oo cid kastaaba ay iminka timid badda Banderbeyla, waxa uu sheegey in Puntland iyo Caalamkaba ay ogeysiiyeen  dhibaatadan balse aan wali wax laga qaban.

Arinta kaliya oo iminka u furan ayuu sheegey in ay tahay in ay la dagaalamaan oo ay iminka ku jiraan diyaargarow ay ka hortagayaan Maraakiibtan.

Sababta loo yimid Badda Banderbeyla ayuu ku sheegey in ay tahay meel dihin oo kheyraad kala duwan ka buuxo kaas oo dunida aad ugu yaraadey.

Ma aha markii ugu horeysey ee maamulka Banderbeyla ay cabasho noocaan oo kale ah ay soo gudbiyaan.

Puntlandpost.com

NEWS IN ENGLISH
RAYIGA AKHRISTAHA
CAYAARAHA