BBC SOMALI
VOA SOMALI
SOMALI LINKS

BUULA MAREER: “Askarigii dhaawaca ahaa waa geeriyooday” Alshabaab

January 14, 2013 6:36 pm GMT - Written by PP - Edited by PP

Buul Mareer: (pp)- Xoogaga Alshabaab ayaa shaaca ka qaaday  in Askari faransiis ah oo Weerarkii Buula mareer  ay ku qabteen isagoo dhaawac ah uu u geeriyooday  dhaawacii ka soo gaaray dagaalkaas.

Akhri: DF ee Soomaaliya oo ka hadashay dagaalkii Buula Mareer

alshabaab-newAskariga dhintay ayaa ka mid ahaa Ciidamo si wanaagsan u tababaranaa oo isku dayey inay soo furtaan sarkaal u dhashay reer Faransa oo oo xoogaga Alshabaab ay ku qabsadeen magaalada Muqdisho sanadkii 2009-kii, illaa waqtigaasna ku jiray gacanta xoogaga Alshabaab.

Alshaaab ayaa sheegay in Askariga geeriyooday ay qabteen isagoo dhaawac ah , kaddibna goob kale ay  geeyeen , isagoo markii danbe u geeriyooday dhaawacii soo gaaray Jimcihii.

Dowlada Faransa ayaa shaacisay in dagaalkii Jimcihii dhacay ay ku  dileen 17 ka mid ah xoogaga Alshabaab , inkasta Alshabaab ay dhankooda sheegeen inay iska caabiyeen ciidamada Faransiiska ee soo weeraray.

Madaxweynaha dalka Faransiiska ayaa Sabtidii Saxaafada Caalamka ka sheegay in dagaalkii ay qaadeen ay ku guuldaraysteen , isagoo dhanka kale sheegay in dagaalkaas lagu waayey Hal askari.

Askariga la waayey ayaa Alshabaab ay maanta xaqiijiyeen inuu u geeriyooday dhaawacii kasoo gaaray dagaalka.

Puntlandpost.com

 

NEWS IN ENGLISH
RAYIGA AKHRISTAHA
CAYAARAHA