XADIISKA 1aad
|
|
MIISAANKA CAMALKU WAA NIYADA
|
Waxaa laga weriyey Amiirkii muminiinta Cumar ibn al-Khaddaab, Allaha ka raalli noqdee:
inuu yiri, waxaan maqlay Nebiga (s.c.w.) oo leh:
Camalka waxaa saldhig u ah niyada, qof kastaana wuxuu helaa niyadiisa,
marka qofkii u hijrooday ilaahay dartii iyo Rasuulkiisa wuxuu helayaa ajar ilaahay.
Qofkii u hijrooda inuu adduunyo helo ama gabar uu rabo guurkeeda,
isna waxaa lagu abaalmarinayaa niyadiisa oo ilaahay ka sugi maayo abaalgud.
|
Waxaa wariyey al-Bukhaari iyo Muslim.
|
FAA'IIDADA XADIISKA
|
Wuxuu noo faa'iideynayaa xadiiskani arrimaha soo socda:
1. Inaan camalku ansaxayn niyad suuban la'aan.
2. In qofka laga abaalmarinayo camalka uu niyad wanaag u falo, shareecadana waafaqsan.
3. Camalka alla aqbalayo inuu yahay kan isaga dartii loo falay hagar la'aan, shareecadana waafaqsan.
4. Qofkii camalkii uu falay ee shareecada waafaqsanaa ku dara is tus-tus ama uga gogol leh camalkaa aduun ku hel,ama ha lagu amaano ee magac iyo maal doon ah waxaa buraya ajarkiisii oo ilaahay waxba ka sugi mayo.
|
|
