Puntlandpost.com - All About Somalia and Puntland

GAROOWE : Hoolkii lagu ansxiin lahaa Dastuurka Puntland oo degdeg loo dhamaystirayo (Sawiro)

March 11, 2012 12:08 pm GMT - Written by Editor - Edited by Editor

Garoowe:-Puntlandpost, ayaa maanta booqatay Hoolka wayn ee dhismuhu ku socdo ee ku dhexyaal xarunta Golaha Wakiiladda Puntland, kaas oo la balaarshay oo si wanaagsan oo casri ahna loo dhisayo, waxaana iminka ka socota shaqo ballaaran oo la doonayo in degdeg lagu dhamaystiro si loogu qabto ansixinta Dastuurka Puntland oo la iclaanshay in ay ay dhacayso 15-ka April.

Xoghayaha Golaha Wakiiladda PL Mr. Ismaaciil Maxamuud Warsame oo dhextaagan dhismaha Hoolka Golaha Wakiilada

Xoghayaha Golaha Wakiilada Mr. Ismaaciil Maxamuud Warsame oo aan hoolka dhexdiisa kula sheekaystay ayaa waxa uu ii sheegay in hoolkan uu ka kooban yahay qaybo badan oo ay ka mid yihiin qaybta, Xubnaha Golaha Wakiiladda, qaybta Xukuumada, qaybta martisharafta iyo Qaybta Saxaafadda, waxaana uu sheegay in uu qaadayo in ka badan 5OO oo qof.

Xoghayahu, waxa uu sheegay in gabi ahaantiisba ay Dawladda Puntland ay dhisayso Hoolka oo dhaqaalaha ku baxaya ay iyadu bixinayso, waxaana uu sheegay in la dhamaystiri doono ka hor 15-ka Apriil si loogu qabto ansixinta Dastuurka.

Shaqaale Bangaaladhaysh ah oo ka tirsan Shirkada Dhismaha Mubaarak

Eng. Cabdiqaadir Xaji Ciise Cumar oo ah maamulaha Shirkada Mubaarak ee dhisaysa Hoolkan ayaa waxa uu sheegay in uu dhamaystirayo mudada Dawladdu iclaamisay in lagu qabto doorashada Dasturka ka hor, waxaana uu sheegay in uu keenay shaqaale shisheeye ah oo aqoon u leh hirgalinta dhismayaasha casriga ah.

Dhismaha Wajiga hore ee Hoolka Shirarka Golaha Wakiilada Puntland

Dishmaha Hoolka Shirarka ee Golaha Wakiilada ee lagu wado in Dastuurka lagu ansixiyo 15-ka April

Dhanka kale, war hoose oo Puntlandpost heshay ayaa sheegaya in hay’adda Interpeace oo Puntland ka caawisa arimaha Doorashooyinka ay keentay Teendho aad u wayn oo lagu qaban doono ansixinta Dastuurka, iyada oo ay ugu wacan tahay in laga cabsi qabay in uu dhammaan waayo Hoolku.

M-waynaha Puntland Dr. Cabdiraxmaan Faroole ayaa xalay ku dhawaaqay in 15-ka April la isku keeni doono 48o Ergay kuwaas oo ansixin doona Dastuurka Puntland.

Puntlandpost.com