BBC SOMALI
VOA SOMALI
SOMALI LINKS

GAROOWE: Guddiga Doorashooyinka Puntland oo maanta ururada Siyaasada usoo bandhigay xeerka Hab-dhaqanka(Sawiro)

January 31, 2013 12:05 pm GMT - Written by Mukhtar - Edited by Mukhtar

Garoowe: (pp)- Waxaa maanta xarunta PDRC ee Magaalada Garoowe lagu qabtay kulan ururada Siyaasada Puntland loogu soo bandhigaayey sharciga ama xeerka hab-dhaqanka ururada Siyaasada Puntland, Kulankan ayaa waxaa fadhiyey 6-urur Siyaasadeed ee ka jira Puntland kuwaas oo kala ah Horseed,Horcad,Midnimo,Udad,Wadajir iyo DPD.

Gudoomiyaha Guddiga Doorashooyinka Puntland.

Gudoomiyaha Guddiga Doorashooyinka Puntland.

Ugu horay waxaa kulan furay Gudoomiyaha guddiga Doorashiyinka Puntland Dr Maxamed Xasan Bare oo ururada uga Mahadceliyey kasoo qayb  galka Kulan wuxuuna sheegay in kulankan la iskugu yeeray sidii ururada Dalka abuurmay loogu soo bandhigi lahaa xeerka Hab-dhaqanka ee Guddiga Doorashooyinka Puntland Soo diyaariyeen, Dr Bare ayaa ka sheekeeyey heerarkii ay soo martay Dimquraadiyeynta Puntland iyo heerka Guusha ka dhow ee ay Iminka Marayso.

Dr Shuuka, Agaasimaha PDRC

Dr Shuuka, Agaasimaha PDRC

Waxaa Isaguna halkaas ka hadlay Agaasimaha Guud ee  Hay’adda Cilmi Baarista Puntland Dr C/raxmaan Cabdule Shuuke wuxuuna sheegay inay Guul tahay heerka ay maanta marayso dimuqraadiyeynta Puntland marka la eego heerkii laga soo bilaabay, Shuuke ayaa sheegay inay Guddiga Doorashooyinka kala shaqayn doonaan Hirgelinta Nidaamka Axsaabta Badan ee Puntland.

IMG_3287_2

Kulankan ka dhacay PDRC ayaa kusoo aadaya xili ay Magaalada Garoowe ka socdaan Shirweynayaasha ururada Puntland, Halka qaar kalena ay furmi doonaan Maalmaha fooda inaku soo haya waxaana Magaalada Garoowe ee caasimada Puntland laga dareemayaa camirnaan aad u weyn maadama ay iskugu yimaadeen kumanaan qof oo ka kala yimi Gobalada kala duwan ee Puntland kana qayb galaaya shirweynayaasha ururada Puntland.

 

IMG_3251_1

IMG_3246_2

IMG_3235_1

IMG_3230_1

 

Mukhtaar Cabdi Faarax

Puntlandpost, Garoowe,PL

NEWS IN ENGLISH
RAYIGA AKHRISTAHA
CAYAARAHA