BBC SOMALI
VOA SOMALI
SOMALI LINKS

ISLII: Xildhibaan Yuusuf Xasan oo dhaawac kasoo gaaray Bam Gacmeed

December 7, 2012 10:59 pm GMT - Written by PP - Edited by PP

Islii: (pp)- Xildhibaan Yuusuf Xasan ayaa dhaawac ka soo gaaray bamgacmeed lagu soo tuuray Waqti uu ka soo baxaayey Masaajid ku yaal Xaafada Iskii.

Xildhibaan Yuusuf Xasan oo Firir kasoo gaaray Lug

Xildhibaanka  ayaa lagu soo waramayaa in Dhaawac firir ah uu kasoo gaaray Lug,  kaddib markii Bam gacmeed lala beegsaday Waqti uu taagnaa banaanka hore Masaajidka Hidaya ee Xaafada Islii  , waxaana Bamgacmeedkaasi ay dhaawacyo kasoo gaareen  Sagaal qof oo kale.

Dadka dhaawacmay ayaa Lix ka mid ah  la sheegayaa inay dhaawacoodu uu aad u culus yahay.

Qaraxii Masaajidka hidaya Hortiis oo dharcadka Kenya ay baarayaan.

Ciidamada booliiska ee magaalada Nairobi ayaa goobta isla markiiba soo gaaray , kuwaas oo bilaabay baaritaano ku aadan qaraxa ka dhacay Masaajidka Hidaya ee Xaafada Islii.

Wararka ay Puntlandpost ka helayso   Xaafada Islii , ayaa intaas ku daraya Bamgacmeedkaas loola dan lahaa in lagu dilo Xildhibaan Yuusuf Xasan oo ah masuul laga soo doorto deegaanka Kaamukunji ee Xaafada Islii, waxaana xaaladiisa Xaaafamaad lagu soo warayaa inay wanaagsan tahay, laguna tacaalayo Isbitaalka Aga Khan ee magaalada Nairobi

Puntlandpost.com

 

NEWS IN ENGLISH
RAYIGA AKHRISTAHA
CAYAARAHA