BBC SOMALI
VOA SOMALI
SOMALI LINKS

MUQDISHO: Dowlafa Federaalka ee Soomaaliya oo ka hadashay Weerarkii Buulo Mareer

January 14, 2013 7:58 am GMT - Written by PP - Edited by PP

Muqdisho: (pp)-  Wasiirka Gaashaandhiga DF ee Soomaaliya C/xakiin Xaaji Maxamuud (Fiqi) oo ka hadlay Weerarkii ay Ciidamada Comandoska ee dalka Faransiiska ay ka fuliyeen deegaanka Buulo mareer ayaa sheegay in dowlada Federaalka aysan waxba kala socon weerarkii laga fuliyey Buulo mareer.

Wasiirka Gaashaandhiga DFKMG Soomaaliya

Wasiirka Gaashaandhiga DFKMG Soomaaliya

Wasiirka ayaa sheegay in aysan u dulqaadin doonin in Weeraro aysan ka warqabin DF ee Soomaaliya in  laga fuliyo deegaanada Soomaaliya , wuxuuna sheegay in weerarkaas ay Canbaaraynayaan.

Wasiirka ayaa sheegay in haddii Weerarkaas lala socodsiin lahaa  uu arrinku  siddan ka duwanaan lahaa , wuxuuna Fiqi Tacsi u diray dadkii Soomaaliyeed ee Weerarkaas ku dhintay.

C/qaadir Maxamed Siidi , guddoomiyaha Sh, hoose

C/qaadir Maxamed Siidi , guddoomiyaha Sh, hoose

Warar sugan oo lagu daabacay joornaalada Caalamka ayaas sheegaya in Weerarkaas iyo sidda uu u dhacayey uu  la socoday guddoomiyaha gobolka Shabeelada hoose C/qaadir Maxamed Siidi, isagoo sheegay in ay la socdeen weerarkaaas, halka dowlada Federaalka ay sheegtay in aysan waxba kala  socon weerarkaas.

Hadalka wasiirka gaashaandhiga & kan guddoomiyaha gobolka Shabeelada hoose ayaa ah kuwo iska soo horjeeda, taas oo cadaynaysa in Koonfurta Soomaaliya qof walba meesha uu ka taliyo uu go’aankeeda leeyahay, ayna jirin wax maamul ah oo lagu wada shaqayn karo.

Dhanka kale madaxweynaha dalka Maraylanka Obama ayaa sheegay in ciidamada Comandoska faransiiska  ay wax yar ka caawiyeen , iyagoo diyaarado ku caawiyey, laakiin wuxuu cadeeyey  madaxweynahu in diyaaradaha maraykanku aysan aysan ridin wax rasaas ah.

Puntlandpost.com

NEWS IN ENGLISH
RAYIGA AKHRISTAHA
CAYAARAHA