Baydhabo (PP) – Golaha Malaaqyada Digil iyo Mirifle ee fadhigoodu yahay Magaalada Baydhabo ee Gobolka Bay ayaa markii ugu horreysay ka hadlay ayaa markii ugu horreysay ka hadlay khilaafkii soo kala dhexgalay maamulka Degmada Baydhabo iyo kan Gobolka Bay.

Malaaqyada Digil iyo Mirifle ayaa waxay qoraal kasoo saareen khilaafkii dhaliyay in maamulka degmada Baydhabo xilka laga qaado iyagoo ku sheegay qoraalkooda in ay nasiibadarro tahay in maamul ay doorteen dadka Gobolka Bay ku dhaqan oo dhan uu dhexdiisa heshiin; iyago ugu baaqay inay si deg-deg ah khilaafkooda ku dhameeyaan.

“Shacabka Baydhabo waxay u baahan yihiin in wax loo qabto ee uma baahna in maamulkooda uu dagaal dhex-maro, taasna waa wax laga xishoodo oo aan damiirka wanaagsani aqbali karin” ayuu yiri Malaaq Malabood oo ka tirsan golahaan.

Waxa kale oo uu sheegay in maamulka ka jira Gobolka Bay looga baahan yahay inay si hoose u xalliyaan khilaafaadkooda, haddii kale ay dhacayso inay iyagu soo farageliyaan ayna dhici karto inay maamul cusub sameeyaan oo kii hore gabigiisa meesha laga saaro.

Khilaafkaan ay ka hadleen Golaha Malaaqyada Digil iyo Mirifle ayaa yimid kaddib markii xildhibaanno ka tirsan Golaha deegaanka Gobolka Bay ay ku eedeeyeen guddoomiyihii degmdaas inuu howlihiisa kasoo bixi waayay ayna xilka ka qaadeen, taasoo u diiday Axmed Maadeey Isaaq.

Guddoomiyaha Gobolka Bay ayaa ku raacay isagu golaha xidlhibaannada Gobolka inay xilka ka qaadeen Axmed Maaddeey Isaaq, taasoo caro xooggan dhex dhigtay maamulka Degmada Baydhabo iyo kan Gobolka Bay.

Maxamed Xuseen Jantiile

Wakiilka Puntlandpost - Muqdisho

E-mail: Jantiile@gmail.com