Maxamed Dheere oo ahaa shaqsigii sida weyn ugu ololeeyay inuu xilka Ra'iisul wasaaernimo qabto Nuur Xasan Xuseen (Nuur Cadde) oo gabgabadii loo magacaabay xilkaas ayaa ka codsaday guddoomiyeyaasha uu la kulmay inay la shaqeeyaan Ra'iisul wasaaraha cusub iyo dowladda uu soo dhisi doono.

Guddoomiyeyaasha uu la kulmay Maxamed Dheere oo kala ahaa Guddoomiyeyaasha Gobollada Bay, Bakool, Gedo, Jubbada Hoose iyo Jubbada Dhexe, ayaa waxaa la soo warinayaa inay isku afgarteen taageeridda xukuumadda lagu wado inuu dhawaan soo dhiso Ra'iisul wasaaraha cusub ee Somalia.

Sidoo kale wararka ayaa waxay sheegayaan in Maxamed Dheere uu ka codsaday gudodomiyeyaashaan uu kulanka gaarka ah kula qaatay maanta Hotelka Bakiin ee Degmada Baydhabo inay wada shaqeyn dhexmarto isaga iyo guddoomiyeyaashaas, isagoo sheegay inay ka go'an tahay inuu siiyo Maxamed Dheere ahaa gacanta ay uga baahdaan gobolka uu madaxda ka yahay ee Banaadir.

Maxamed Dheere ayaa la sheegay inuu ku boorriyay guddoomiyeyaasha uu la kulmay inay ka shaqeeyaan horumarka dalka isla markaana gobollada ay madaxda ka yihiin ay ka ilaaliyaan burburka maamul inuu ku yimaado.

Dheere, ayaa la sheegay inuu weli wado dadaallo uu ku doonayo inuu taageero dheeraad ah ugu soo jiido Ra'iisul wasaaraha cusub ee Somaila Nuur Xasan Xuseen (Nuur Cadde).